لو سمحت يا دكتور، شعري مقصف جدا وعايزة أعمله أي حاجة.
وأنا آسفة، بس كان فيه موضوع حابة أقوله لحضرتك عشان تطرحه على مشايخ قناة الرحمة الفضلاء يتكلموا فيه.
أنا زوجي إلى حد كبير بيحاول يلتزم، ما بيتفرجش على أفلام ولا مسلسلات ولا أغاني، وبيغض بصره بقدر المستطاع.
ونظرا للأحداث السياسية القائمة بيتابع الأخبار، بيلاقي المذيعات متبرجات، وأكيد حضرتك عارف بيعملوا إيه في نفسهم، وطبعا أنا ببقى قاعدة قدامه، أكيد بيبصلها ويبصلي.
طبعا مش قصدي إني وحشة، أنا الحمد لله درجة جمالي معقولة، بس أكيد لو واحدة حتى وحشة عني بعد التظبيط هيبقالها شكل تاني. الحل إيه يا دكتور؟
إجابة الدكتور أمير صالح2011-03-09
السلام عليكم ورحمة الله وبركاته
نوصي بحمام زيت للشعر يحتوي على الزيوت الآتية بنسب متساوية:
زيت الزيتون
زيت الجرجير
زيت الصبار
زيت الأملج
زيت البردقوش
زيت البصل
نخاع العظام المسلوق
يوضع الخليط في زجاجة في الثلاجة، ويؤخذ منها ما يكفي للشعر مرة أسبوعيا ولمدة 8 أسابيع.
أما عن غض البصر فأوصيك بالتزين له في البيت قدر المستطاع حتى تجنبيه النظر للغير، والله الموفق.
هذه المعلومات والوصفات للمعرفة فقط وليست وصفات علاجية، ويجب استشارة الطبيب المعالج قبل تناولها؛ فالكثير من الأعراض قد يتشابه، ولذلك يجب تشخيص الحالات المرضية بدقة.
